【你有Own Style嗎?】
上次HiHi康仔個whatsapp截圖俾好多Page偷咗，幅圖出自我手機，但偷圖啲Page仲多like過我，你問我有冇難受? 其實又冇乜喎，因為我好明白一個道理:
加咗水印，其他page冇得扮原創就唔會post出嚟，但我唔加水印，佢哋只要一句「朋友whatsapp send俾我」，咁就殺人都唔使填命，你試諗下，佢地加自己個水印喺我幅圖度喎，幾盞鬼呀！呢啲咪Crossover囉！既方便又快捷。
今次康仔Cap咗粥街Kobe嘅whatsapp截圖，我哋都堅持唔加水印，因為呢啲只係朋友間嘅普通對話啫。唔使兩個鐘，#辦公室日報 同 #我是康仔 嘅inbox已經收到好多正義網友報料，Cap晒圖講邊幾個page偷嘢，嗱嗱嗱，唔好偷偷聲咁難聽，係Crossover， 有啲仲發揮盗亦有道嘅精神，走去幫Kobe遮埋個名，嘩，幾體貼呀，「朋友whatsapp send俾你」都顧及當時人感受，窩心。
我嘗試同網友解釋: 「我哋自己冇加水印啫，原意係想網友睇得舒服啲，預咗有人偷，又唔怪得人嘅。」點知網友神回覆: 「印度班男人都話當地女人出街就預咗俾人強姦，咩叫預咗? 老馮架? 人人都咁做就等於冇問題?」你又啱喎。
喺香港玩原創，無論係咩行業，由零開始去create......係食得屎㗎，你睇下人哋，「左抄抄右抄抄，仲出名過藍泡泡」，就好似職場咁，下面班小職員無論幾努力都係得個做字，上面嗰班乜都唔使做就坐享其成，簡直係人生寫照。
呢度每一個follower都係真人，冇水份，我哋Like一齊Like，嬲一齊嬲，就算成日俾人偷圖，我都覺得自己賺咗，因為你哋呢班follower真係好高質。
以上牢騷如令到偷過「HiHi康仔」同「粥街kobe」嘅page感到不悅，我聶瞳係唔會道歉，因為所有嘢都係「朋友whatsapp send俾我」，總之Like我就照收，責任我亦唔會負，我學嘢係咪好快呢?
Search